ज्वाला अपडेट
सुर्खेत । पछिल्लो २४ घन्टामा कर्णाली प्रदेशमा २१४ जनामा कोरोना भाइरस कोभिड १९ को संक्रमण पुष्टि भएको छ । कर्णाली प्रदेश अस्पताल, पशुपन्छी रोग अन्वेषण प्रयोगशाला सुर्खेत, कर्णाली स्वास्थ्य विज्ञान प्रतिष्ठान जुम्ला र दैलेख अस्पताल प्रयोगशालामा गरिएको पीसीआर परीक्षणमा २१४ जनामा संक्रमण पुष्टि भएको हो ।
नयाँ संक्रमितमध्ये सुर्खेतका मात्रै १७२ जना छन् । यस्तै दैलेखका २१ जना, जुम्लाका ९ जना, कालीकोटका १३ जना, मुगुका एकजना र अन्य प्रदेशका ७ जना रहेको कर्णाली प्रदेश स्वास्थ्य निर्देशनालयका सूचना अधिकारी नोदनारायण चौधरीले जानकारी दिए ।
पछिल्लो २४ घण्टामा ४३७ जनामा गरिएको र्यापिड एन्टिजेन परीक्षणमा ४५ जनामा कोरोना संक्रमण पुष्टि भएको छ । पुष्टि हुनेमा दैलेखका ११ जना, जुम्ला र कालीकोटका १३र१३ जना, डोल्पाका ६ र मुगुका दुईजना छन् ।
निर्देशनालयको पछिल्लो तथ्यांकअनुसार शनिबार मात्रै प्रदेशमा थप १० जना कोरोनामुक्त भएका छन् । कर्णालीमा हाल सक्रिय संक्रमितको संख्या १ हजार ६३३ पुगेको छ । प्रदेशमा हालसम्म कोरोनाबाट मृत्यु हुनेको संख्या ५१ पुगेको निर्देशनालयले जनाएको छ ।
निषेधाज्ञा एक साता थपिने
सुर्खेतमा जारी निषेधाज्ञा एक सता थपिने भएको छ । जिल्ला कोभिड संकट व्यवस्थापन केन्द्रको बैठकले एक साता निषेधाज्ञा थप्ने जिल्ला सुरक्षा निकायलाई सिफारिस गरेको छ ।
कोरोनाको दोस्रो लहरको हटस्पट बन्न थालेपछि जारी निषेधाज्ञा थपिनलागेको हो । यस अघि बैशाख १५ गते बाट २१ गते रातीको १२ बजे सम्म निषेधाज्ञा जारी राखिएको थियो । अब बैशाख २७ गते सम्म निषधाज्ञा जारी रहने छ ।
शनिबार, बैशाख १८, २०७८मा प्रकाशित गरिएको
१.
२.
३.
४.
५.
६.
