ज्वाला अपडेट
काठमाडौं । नेकपा माओवादी केन्द्रले प्रधानमन्त्री केपी शर्मा ओली नेतृत्वको वर्तमान सरकारलाई दिएको समर्थन फिर्ता लिएको औपचारीक पत्र संसद सचिवालयमा बुझाएको छ । समर्थन फिर्ताको पत्र माओवादी केन्द्रका प्रमुख सचेतक देव गुरुङले बुधबार बिहान संसद सचिवालयका सचिव गोपालनाथ योगीलाई बुझाएका छन् ।
माओवादीले समर्थन फिर्ता लिएसँगै सरकार अल्पमतमा परेको छ । प्रधानमन्त्री ओलीले गत पुस ५ गते संसद विघटन गरेपछि सरकारबाट बाहिरीए पनि सरकारलाई दिएको समर्थन कायमै राखेको थियो । यही वैशाख २७ गते बस्ने संसदको विशेष अधिवेशनमा प्रधानमन्त्री ओलीले विश्वासको मत लिने घोषणा गरेपछि मंगलबार बसेको माओवादी स्थायी कमिटी बैठकले सरकारलाई दिएको समर्थन फिर्ता लिने निर्णय गरेको थियो ।
ओलीको विकल्पमा नयाँ सरकार गठनको कसरत गर्दै आएको माओवादीले सरकारलाई दिएको समर्थन भने कायमै राखेको भन्दै आलोचना हुँदै आएको थियो ।
बुधबार, बैशाख २२, २०७८मा प्रकाशित गरिएको
१.
२.
३.
४.
५.
६.
