ज्वाला अपडेट
सुर्खेत । कर्णाली प्रदेशमा पछिल्लो २४ घण्टामा ३ सय ७७ जना संक्रमितहरु कोभिड जितेर डिस्चार्ज भएका छन् । योसँगै कर्णालीमा कोरोना जित्नेको संख्या १३ हजार ७ सय १७ पुगेको छ ।
यस्तै, थप ४ सय ८० जनामा कोरोना संक्रमण पुष्टि भएको छ । ६ सय १ जनाको पीसीआर परीक्षण गर्दा २ सय १५ जना र ७ सय ४१ जनाको एन्टिजेन परीक्षण गर्दा २ सय ६५ जनामा संक्रमण देखिएको हो । अहिले कर्णाली प्रदेशमा ६ हजार २ सय ९५ जना सक्रिय संक्रमित रहेको कर्णाली प्रदेश स्वास्थ्य निर्देशनालयले जनाएको छ ।
जुम्ला, सुर्खेत र सल्यानका एक एकजना गरि प्रदेशभर थप ३ जना संक्रमितको मृत्यु भएको प्रदेश स्वास्थ्य निर्देशनालयका निमित्त निर्देशक डा. रविन खड्काले जानकारी दिए ।
मंगलबार, जेठ ११, २०७८मा प्रकाशित गरिएको
१.
२.
३.
४.
५.
६.
