ज्वाला अपडेट
सुर्खेत । नेपाल खेलकुद महासंघ कर्णालि प्रदेश कमिटीको अध्यक्षमा सुरज थापा चयन भएका छन् । बुधबार वीरेन्द्रनगरमा सम्पन्न महासंघको पहिलो अधिवेशनले थापाकोे अध्यक्षतामा ४९ सदस्यीय प्रदेश कमिटी सर्वसम्मत चयन गरेको हो ।
यस अघि तदर्थ कमिटीमा संयोजक रहेका थापाको अध्यक्षता रहेको कमिटीको उपाध्यक्षमा डम्मरबहादुर शाहि र भिम कुमारी भुसाल निर्वाचित भएका छन् ।
त्यस्तै पंखबहादुर मल्ल सचिव, प्रकाश बस्नेत र पदम रावत उपसचिव, रबिन्द्र शाहि कोषाध्यक्षमा निर्वाचित भएका छन् ।
निर्वाचित पदाधिकारी तथा सदस्यहरुलाई महासंघका केन्द्रीय कमिटीका संयोजक कृष्ण बस्नेत (पर्शुराम) ले सपथग्रहण गराएका छन् ।
नव निर्वाचित अध्यष्क्ष थापाले राष्ट्रको पहिचान, सम्मान र गरिमा अभिवृद्धि गर्न पनि खेलकुदको विकास अपरिहार्य रहेको बताए । खेलकुदमार्फत नागरिकको शारीरिक र मानसिक स्वास्थ्य, सामूहिक भावनाको विकास र अनुशासित तथा मर्यादित जीवनयापनमा सघाउ पुग्नेमा बिश्वस्त रहेको बताएका छन् ।
१.
२.
३.
४.
५.
६.
