ज्वाला अपडेट
सुर्खेत । कर्णाली प्रदेशको सभामुखमा नेकपा एमालेकी नन्दा गुरुङ निर्वाचित भएकी छन् । जम्मा ४० सांसद रहेका कर्णाली प्रदेश सभामा ३८ जना सांसद मतदानमा सहभागी भएका थिए । मतदानमा सहभागी ती ३८ सांसद मध्य नन्दाको पक्षमा २४ मत प्राप्त भएको छ ।
नेकपा माओवादी केन्द्रका १३, नेकपा एमालेका १०, राष्ट्रिय प्राजातन्त्र पार्टी र नेकपा १ गरि जम्मा २४ मत गुरुङको पक्षमा खसेको हो । गुरुङ सुर्खेतबाट समानुपातिक सांसदमा निर्वाचित सांसद हुन् ।
यस्तै, नेपाली कांग्रेसबाट सभामुखमा उम्मेदवारी दिएका खड्गबहादुर पोखलेरले जम्मा १४ मत पाएका छन् । पोखरेललाई एकीकृत समाजवादीले भोट दिएको छ । कांग्रेसका पोखरेल सुर्खेत निर्वाचन क्षेत्र नम्बर १ प्रदेश सभा (१)बाट निर्वाचित भएका थिए ।
जेष्ठ सदस्य नेपाली कांग्रेसका हिक्मतबहादुर विष्टले सभा सञ्चालन गरेका थिए भने भोट हालेनन् ।
यस्तै, जुम्लाबाट निर्वाचित स्वतन्त्र सांसद देवेन्द्रबहादुर शाही भने तटस्थ बसेका थिए ।
सभामुखको सपथ ग्रहण आज दिउँसो ४ बजे हुनेछ ।
@nepaliraibar.com
आइतबार, माघ ०१, २०७९मा प्रकाशित गरिएको
१.
२.
३.
४.
५.
६.
