ज्वाला अपडेट
दैलेख दुल्लु नगरपालिका १० गमौडीका ३० वर्षिय गोविन्द बिश्वकर्मा अहिले सुर्खेतमा सुनचाँदी व्यवसाय गरेर बसेका छन् । विद्यालय अध्ययनमा सरकारी जागिरे बन्ने सपना बोकेका उनि पत्रकार बन्न पुगे ।
कक्षा दशको परीक्षा एसएलसि दिइसकेपछि गाउँ छाडेर सदरमुकाम दैलेख बजार कम्प्यूटर अध्ययन गर्न भनेर हिडेका उनले केहि समय पत्रीकाको हकर (पत्रीका वितरण गर्ने) काम गरे । विस्तारै स्थानिय सामुदायिक रेडियो ध्रुवतारा एफ. एम ८९.८ मा प्रविधि क्षेत्रमा काम सिक्न सुरु गरे ।
केहि महिना सव्यमसेवकका रुपमा काम गरेपछि समाचार लेखन तथा वाचन र कार्यक्रम सञ्चालन तर्फ पनि लगाव बढाए । रेडियोमा बोल्ने मान्छे कस्ता होलान्, कसरी बोल्छन् होल, सानो आकारको रेडियोमा कसरी मान्छे अटाएर बोल्छन् होला भन्ने जिज्ञासा राख्ने बिश्वकर्मा अन्तत कुशल कार्यक्रम प्रस्तोता र समाचार वाचक पनि बने ।
२०६९ सालमा सुरु गरेको पत्रकारीताले २०७२ सालसम्म दैलेखमा समय व्यतित गर्यो । त्यसपसिछ उनि प्रदेश राजधानी सुर्खेत झरे । सुर्खेतमा कुनै कामको सम्भावना थिएन सिकेको अरु सिप पनि थिएन र स्थानिय सामुदायिक रेडियो जागरण एफ. एम ९०.८ मा काम सुरु गर्न थाले ।
पत्रकारीता पेशा, न्यून पारिश्रमिक साथै पारिवारीक चुनौतीका कारण उनको समस्या झन् थपिदैं गयो र विकल्पमा पत्रकारीताबाट बिदा लिएर ठुलो सपना बोकेर उनि प्रदेश लाग्ने निर्णय गरे र भारतको गुजरात पुगे । गुजरातको जुनागढमा रहेको होटल कृष्णामा २ महिना वेटर काम गरे तर उनको मनले मानेन त्यो काम गर्न । लगत्तै नेपाल फर्किने निर्णय गरे र फर्किए पनि ।
नेपाल त फर्किए गर्ने काम र उपयुक्त सिप केहि थिएन झन् चुनौती थपियो नै । जहाँ समस्या त्यहि उपाय भन्ने उखान सहि रहेछ । उनले स्थानिय वीरेन्द्रनगर ६ तल्लो बजारमा रहेको न्यू दैलेखी सुनचाँदी पसलमा काम सिक्नका लगि भनेर स्थान पाए । केहि बर्ष त्यहाँ काम सिकेपछि उनले वीरेन्द्रनगर ११ पिपिराचोकमा आफ्नै सुनचाँदी पसल दैलेखी अनमोल ज्वैलर्स सञ्चालनमा ल्याए ।
आर्थिक अबस्था कमजोर त थियो नै त्यसमाथी पनि कोरोना लहर लकडाउनको मौका नै त्यहि बेला थियो । व्यापार सोचे जस्तो भनेजस्तो पनि थिएन । त्यसका बावजुत पनि उनले हिम्मत हारेनन् लगातार प्रयासरत रहे । २ वर्ष जति पिपिराचोकमा रहेर हाल वीरेन्द्रनगर ६ तल्लो बजार पुरानो राष्ट्रिय वाणिज्य बैंक नजिक हालको मुक्तिनाथ विकास बैंक नजिक दैलेखी अनमोल ज्र्वलर्सका नाममा व्यवसाय सञ्चालनमा ल्याएका छन् ।
स्वदेशमा रोजगारीको सम्भावना छैन भनेर विदेश लम्किनेहरुका लागि उनि गतिलो उदाहरण बनेका छन् । विदेशमा जस्तो दुःख नेपाल मैं गरे राम्रो पैसा कमाउन सकिन्छ भन्ने बिश्वकर्मा नेपालमा पनि गर्दा हुने रहेछ भन्ने उदाहरण बनेका छन् ।
शुक्रबार, साउन २५, २०८१मा प्रकाशित गरिएको
१.
२.
३.
४.
५.
६.
