ज्वाला अपडेट
सुर्खेत । प्रधानमन्त्री केपी शर्मा ओलीले कर्णाली प्रदेशलाई ‘मध्यपश्चिम प्रदेश’ भनेको विषयले मंगलबारको प्रदेश सभा बैठकमा प्रवेश पाएको छ ।
शुक्रबार कर्णाली प्रदेश सभालाई सम्बोधन गर्न आएका ओलीले मध्यपश्चिम विश्वविद्यालयको दीक्षान्त समारोहमा बोल्दा ‘मध्यपश्चिम प्रदेशका मुख्यमन्त्रीज्यू’ भनेर सम्बोधन गरेका थिए । त्यसपछि अकमकिएका उनलाई पत्रकारहरूले मध्यपश्चिम नभइ कर्णाली प्रदेश भनेर सम्झाएका थिए । प्रधानमन्त्रीजस्तो व्यक्तिले प्रदेशकै नाम थाह नभएको भन्दै उनको व्यापक आलोचना भइरहेको छ ।
मंगलबारको प्रदेश सभा बैठकमा प्रतिपक्ष दल नेकपा माओवादी केन्द्रका सांसद उर्मिला विश्वकर्माले उक्त विषयबारे प्रश्न उठाइन् । प्रधानमन्त्रीलाई नै प्रदेशको नाम थाह नहुनु दुखद पक्ष रहेको उनको भनाइ छ । प्रधानमन्त्री भइसकेपछि प्रदेशको नामै थाह नहुने र सुहाउँदो विषय भएन भन्दै उनले कर्णाली प्रदेशलाई मध्यपश्चिम प्रदेश तथा पश्चिम रुकुमलाई पूर्वी रुकुम भनेर सम्बोधन गर्न भ्याएको बताईन ।
प्रधानमन्त्रीलाई देशको अवस्था के छ र ? कहाँ के भइरहेको छ र ? त्यसको सामान्य ज्ञान हुन जरुरी रहेको विश्वकर्माको भनाइ छ । माओवादीले ओलीलाई संघीयता मन नपरेको आरोप लगाउँदै आएको छ । प्रदेश सभा बैठकलाई सम्बोधन गर्दै ओलीले संघीयता कार्यान्वयनमा प्रतिबद्धता जनाउनेमा अपेक्षा भएपनि त्यस्तो विषयमा प्रवेश नै नगरेको बताइन् ।
बुधबार, फाल्गुण २८, २०८१मा प्रकाशित गरिएको
१.
२.
३.
४.
५.
६.
