ज्वाला अपडेट
सुर्खेत, असार २४ । कर्णाली प्रदेश अस्पतालमा थप दुईजना चिकित्सक र दुईजना स्वास्थ्यकर्मीमा कोरोना संक्रमण पुष्टि भएको छ ।
कोरोना विशेष अस्पतालमा दुईहप्ते ड्युटी सकेर १४ दित क्वारेन्टिनमा बसेका दुईजना मेडिकल अफिसर, एकजना स्टार्फ नर्स र एकजना सिनियर अहेवमा कोरोना संक्रमण पुष्टि अस्पतालका निर्देशक डा. डम्बर खड्काले जानकारी दिए । संक्रमण देखिएपछि उनीहरुलाई अस्पतालकै आइसोलेसनमा राखिएको छ ।
यसअघि पनि असार ११ गते दुईजना चिकित्सक सहित ९ जना स्वास्थ्यकर्मीमा संक्रमण देखिएको थियो । उनीहरु आइतबार मात्रै डिस्चार्ज भएका थिए ।
यस्तै, स्वास्थ्यकर्मी सहित कर्णाली प्रदेशमा बुधबार मात्र २० जनामा कोरोना संक्रमण पुष्टि भएको छ । हालसम्म कर्णाली प्रदेशमा संक्रमितको संख्या एक हजार पाँच सय ५० पुगेको छ । कोरोना पुष्टि हुनेमा सुर्खेतका १३ जना, दैलेखका ५ जना र मुगुका २ जना रहेका छन् ।
बुधबार, आषाढ २४, २०७७मा प्रकाशित गरिएको
१.
२.
३.
४.
५.
६.
