ज्वाला अपडेट
काठमाडौ, असार २६ । नेपाल कम्युनिष्ट पार्टी (नेकपा) को स्थायी समितिको बैठक ७ दिनका लागी स्थगित भएको छ ।
पटकपटक स्थगित हुँदै आएको स्थायी समितिको बैठक शुक्रबार ११ बजेका लागी बोलाइए पनि बस्न असफल भई ७ दिनका लागि स्थगित गरिएको हो ।
नेकपाका प्रवक्ता नारायणकाजी श्रेष्ठका अनुसार ‘देशभर भैरहेको अतिवृष्टि र सिन्धुपलाञ्चोक लगायत केही जिल्लाहरुमा जनधनको ठूलो क्षति समेत भइसकेको स्थितिमा सम्पूर्ण पार्टीपंत्तिलाई उद्दार एवं राहतमा लाग्न र आसन्न संभावित क्षतिलाई सकेसम्म रोक्ने कार्यमा लाग्न पार्टी केन्द्रिय कार्यालयको तर्फबाट निर्देशन दिँदै स्थायी कमिटिको बैठक ७ दिन स्थगित’ गरिएको छ ।
स्थायी समितिको बैठकमा कार्यकारी अध्यक्ष पुष्पकमल दाहाल प्रचण्ड लगायतका बहुमत नेताहरुले प्रधानमन्त्रीसमेत रहेका अर्का अध्यक्ष केपी शर्मा ओलीको राजिनामा मागेपछि चुलिएको विवाद सामाधान भएको छैन ।
बैठक स्थगित भएको पुष्टी प्रचण्डका प्रेस सल्लाहाकार विष्णु सापकोटाले पनि गरेका छन् ।
शुक्रबार, आषाढ २६, २०७७मा प्रकाशित गरिएको
१.
२.
३.
४.
५.
६.
