ज्वाला अपडेट
सुर्खेत । कर्णालीमा कोरोना भाईरस जित्नेको संख्यामा वृद्धी हुन थालेको छ । कोरोनाको उच्च संक्रमणदर भएको अबस्थामा पछिल्लो २४ घण्टामा कर्णालीमा २१० जनाले कोरोनालाई जितेर घर फर्किएका छन् ।
होम आइसोलेश र अस्पतालका आइसोलसनबाट डिस्चार्ज हुनेमा सुर्खेतका १२६, जाजरकोटका ३३, सल्यानका २४, कालिकोटका १३, रुकुम पश्चिमका ८, डोल्पाका ४ र जुम्लाका २ जना रहेका छन् ।
हिजो २ सय ४६ जनाले कोरोना संक्रमण जितेर डिस्चार्ज भएका थिए । आइतबारसम्म प्रदेशका विभिन्न जिल्लाका विभिन्न आइसोलेसनमा रहेकाको कुल संख्या तीन हजार ८ सय ८२ जना छन् । यी मध्ये होम आइसोलेसनमा तीनहजार पाँच सय ७० र अस्पतालका आइसोलेसनमा ३ सय १२ जना छन् ।
कर्णालीमा पछिल्लो २४ घण्टामा गरिएको २११ जनाको परीक्षणमा १७१ जनामा कोरोना पुष्टी भएको छ । प्रदेशमा पछिल्लो २४ घण्टामा दुई जनाको मृत्यु भएको छ । प्रदेशमा हालसम्म मृत्यु हुनेको संख्या ८६ पुगेको छ ।
आइतबार, बैशाख २६, २०७८मा प्रकाशित गरिएको
१.
२.
३.
४.
५.
६.
