गोविन्द बिश्वकर्मा
सुर्खेत । गणेशजल बहुउद्देशिय सहकारी संस्था लिमिटेड सुर्खेतले कोभिड विशेष तीन दिने सेवा दिने भएको छ । सुर्खेतका विभिन्न ठाउबाट सेवा दिंदै आएको संस्थाले देशमा दोस्रो चरणको कोरोना भाईरस व्यापक रुपमा फैलिएको बेला निषेधाज्ञामा न्यूनतम कर्मचारी राखेर सेवा दिने जिल्ला प्रशासन कार्यालयको निर्णयलाई ध्यानमा राख्दै हप्ताको तीन दिन सेवा प्रवाह गरिने संस्थाका अध्यक्ष प्रेमकुमार वि.सीले जानकारी दिए ।
दोस्रो चरणको भेरिएण्ट सहितको कोभिड १९ कोरोना भाईरको संक्रमण दर उच्च रहेको र देशभर लकडाउन भईरहेका बेला आफ्ना सदस्यहरुमा समस्या उत्पन्न नहोस् भन्दै संस्थाको निर्णयानुसार केन्द्रिय कार्यालय वीरेन्द्रनगर जुम्लारोड शाखा आईतबार, मंगलबार र बिहिबार बिहान १० देखि दिउसो २ बजेसम्म सञ्चालन हुने अध्यक्ष वि.सीको भनाई छ ।
साथै, संस्थाबाट उपलब्ध गराईने एटिएम, मोवाईल बैंकिगं एप्स, एसएमएससेवा, क्यूआर कोड अनुरोध लगायतका सेवाहरु २४ सै घण्टा सुचारु रहेको छ ।
मंगलबार, बैशाख २८, २०७८मा प्रकाशित गरिएको
१.
२.
३.
४.
५.
६.
