अशाेक कुमार शाही
यहीँ चौतारीमा बसी बिरहको गित गाउनु पर्यो ।
मेरो जीवनबाट हाँस्दै जानेलाई रुवाउनु पर्यो ।।
एक छिन त पर्खन ए वर्षा सरि झर्ने आँशुहरु ।
उताबाट दुश्मन आँउँदैछ मुस्कुराउनु पर्यो ।।
कोही त कति भाग्यमानी नसोचेको माया पाउने ।
म अभागीले पाएको माया पनि गुमाउनु पर्यो ।।
ए नेता ज्यू साँच्चै देशको समृद्धि चाहनु हुन्छ भने ।
फस्टाउँदो यो भ्रष्टाचारको राजनिती हटाउनु पर्यो ।।
शहर छिरेको छोराले आफ्नो जन्मथलो नै बिर्सियो ।
बा भन्छन् छोरालाई एक मुठि चामल पठाउनु पर्यो ।।
अशोक कुमार शाह
दैलेख दुल्लु नपा १० गमौडी हाल यू.ए.ई. दुबई
१.
२.
३.
४.
५.
६.
