ज्वाला अपडेट
सुर्खेत । अब सुर्खेतमा रगत आबश्यक परे माेवाईल एप्सबाटै लिन दिन सकिने भएकाे छ ।
कर्णाली स्वयंसेवक दलले सञ्चालनमा ल्याएको KSD Blood App मार्फत सेवा शनिबार देखि पूर्णरुपमा अपडेट हुन शुरु भएको अध्यक्ष सुदर्शन श्रेष्ठले जानकारी दिए ।
अध्यक्ष श्रेष्ठले नेपाल रेडक्रस सोसाइटी रक्तसञ्चार केन्द्र सुर्खेतमा ईन्टरनेटको सुविधा जोडिए सँगै ब्लड एपले पूर्णरुपमा अपडेट हुने भएको जानकारी दिए ।
“हामीले सुर्खेत जिल्लामा विरामीहरुका लागि चाहिने रगत पाउन सहज होस् भन्नका लागि यो एप्सको निर्माण र सञ्चालन गरेका थियौ तर पूर्णरुपमा अपडेट हुन नसकिरहेको अवस्थामा ब्लड बैंकमा इन्टरनेट जोडिएपछि अपडेट हुने भएको हो जस्का लागि हामीले हाम्रो साझेदारी संस्था नेपाल स्वयंसेवी रक्तदाता समाज सुर्खेत समन्वयमा वर्ल्ड लिंकले सहुलियतमा इन्टरनेट जडान गरिदिएपछि सहज भएको हो ।” उनले भने ।
त्यस्तै नेपाल रेडक्रस सोसाइटी रक्तसञ्चार केन्द्र सुर्खेतका प्राविधक प्रमुख देपेन्द्र केसीले इन्टरनेट जडानले कर्णाली स्वयंसेवक दलले सञ्चालन गरेको एप्स मार्फत छिटोछरितो तरिका रक्तदाताहरुको डाटा खोज्न सहज हुने बताए ।
नेपाल स्वयंसेवी रक्तदाता समाज सुर्खेतका अध्यक्ष प्रवाश कुमार शाक्यले कर्णाली स्वयंसेवक दलले सञ्चालनमा ल्याएको एप प्रयोग गरेर सहज तरिकाले रक्तदाताहरुसंग सम्पर्क गर्न सकिने बताए ।
एप डाउनलोड गर्न यो QR कोडलाई स्क्यान गर्न सक्नुहुनेछ ।
शनिबार, पौष ३०, २०७९मा प्रकाशित गरिएको
१.
२.
३.
४.
५.
६.
