ज्वाला अपडेट
काठमाडौं । फिफा विश्वकप २०२६ र एएफसी एसिया कप २०२७ छनोटको दोस्रो चरणको चौथो खेलमा नेपाल बहराइनसँग पराजित भएको छ ।
बहराइनको रिफास्थित नेशनल स्टेडियमा आज बिहान भएको खेलमा नेपाल बहराइनसँग ३-० गोलअन्तरले पराजित भएको हो । बहराइनको जितमा सायद बाकर, अब्दुल्लाह युसुफ र कोमाइल इल्सवादले समान १-१ गोेल गरे । समूह एचमा रहेको नेपालको यो लगातार चौथो हार हो ।
यही चैत ८ गते बहराइनमै भएको खेलमा नेपाल बहराइनसँग ५-० गोलअन्तरले पराजित भएको थियो । त्यसअघि नेपालले युएईविरुद्ध ४-० को हार बेहोरेको थियो भने यमनसँग २-० ले पराजित भएको थियो ।
नेपाल चार खेलमा अङ्कविहीन रहँदै समूहको अन्तिम स्थानमा छ भने युएई १२ अङ्कसहित समूहको शीर्षस्थानमा छ । नौ अङ्क बटुल्दै बहराइन दोस्रो र यमन तीन अङ्कसहित अङ्कतालिको तेस्रो स्थानमा छ । अब नेपालले छनोटका बाँकी दुई खेलमा युएई र यमनको सामना गर्नेछ ।
बुधबार, चैत्र १४, २०८०मा प्रकाशित गरिएको
१.
२.
३.
४.
५.
६.
