कर्णाली एमालेको भागमा परेपछि माओवादीमा तरंग
ज्वाला अपडेट
सुर्खेत । गठबन्धनका नेताहरुबीच कर्णाली प्रदेश सरकारको नेतृत्व एमालेले लिने सहमति भएपछि कर्णालीमा तरङ्ग पैदा भएको छ ।
केन्द्रमा भएको नेकपा एमाले र नेकपा माओबादी केन्द्रको गठबन्धनको निर्देशन अनुसार प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डको निर्देशन विपरित कर्णालीका मुख्यमन्त्री राजकुमार शर्मा अघि बढेका छन् ।
प्रचण्डले मंगलबार बेलुका कर्णाली सरकारको नेतृत्व एमालेलाई छोडेर आवश्यक सहयोग गर्न माओवादी प्रदेश इन्चार्ज कालीबहादुर मल्ल र मुख्यमन्त्री शर्मालाई निर्देशन दिएका थिए ।
तर मुख्यमन्त्री शर्माले केन्द्रको निर्णय ढिला आएको र संवैधानिक प्रक्रिया अनुसार अगाडि बढिसकेकाले निर्णय कार्यान्वयन गर्न नसकिने जवाफ दिएको सरकारका प्रवक्ता, एवम् कानुन मन्त्री कृष्णबहादुर जिसीले बताए ।
केन्द्रीय निर्णय अनुसार राजीनामा दिनुपर्ने मुख्यमन्त्री शर्माले राजीनामा नदिएर प्रदेश सभाको कार्यसूची अनुसार नै आज विश्वासको मत लिने मन्त्री जिसीको दाबी गरे ।
मंगलबार, चैत्र २०, २०८०मा प्रकाशित गरिएको
१.
२.
३.
४.
५.
६.
