ज्वाला अपडेट
अछाम । अछाम जिल्लाको पञ्चदेवल विनायक नगरपालिका २ मा एक किशोरी बलात्कृत भएकी छन् । आफनै मामा नाता पर्नेबाट बलात्कृत भई १२ घण्टासम्म बेहोस भएकी किशोरीको नेपाल प्रहरी र स्थानियको सहयोगमा उद्धार गरी जिल्ला अस्पताल पु¥याएको उपचारका पछि ३ घण्टामा होस आएको अस्पताल श्रोतले जनाएको छ ।
मामाघरमा बसेर पढिरहेकी १६ वर्षीया किशोरी सोमबार मध्यराति मामा नाता पर्नेबाट बलात्कृत भएकी हुन । बलात्कारमा संलग्न १७ बर्षिय मामा पर्ने युवालाई पक्राउ गरिएको अछामका प्रहरी प्रमुख डीएसपी सन्तोष पाठकले बताएका छन । स्थानीयवासीहरुले छारे रोगले बेहोस भएको हुन सक्ने भन्दै उद्धार कार्य ढिलो गरेका थिए ।
होसमा आएकी किशोरीले आफू राति २ बजे पिसाब फेर्न छाउगोठ बाहिर निस्केका बेला बलात्कार गरेको बताएपछि घटनाको रहस्य वाहिर आएको हो ।
पीडित किशोरीलाई मंगलबार दिउँसो करिब साढे १२ बजेतिर बेहोस अवस्थामा जिल्ला अस्पताल पु¥याइएको थियो । जिल्ला अस्पताल अछामकी सूचना अधिकारी गंगा बुढा मगरले अस्पताल ल्याएको ३ घण्टापछि मात्रै पीडितलाई होस आएको बताएकी छिन्। अहिले प्रहरीले छाउगोठ समेत भत्काएको छ ।
सामाजिक रुपमा अन्धविश्वासको रुपमा रहेको छाउप्रथाका कारणले धेरै महिलाहरु महिनावारी भएको बेला वाहिर वस्ने चलनले बलात्कृत हुने मात्र होइन अकालमा ज्यान समेत गुमाउने गरेका छन ।
बुधबार, आषाढ ०६, २०८१मा प्रकाशित गरिएको
१.
२.
३.
४.
५.
६.
