ज्वाला अपडेट
सुर्खेत । पछिल्लो समय सुर्खेत जिल्लामा स्वास्थ्य संस्थामा सुत्केरी हुने महिलाहरुको संख्या बढेको छ । जनस्वास्थ्य सेवा कार्यालयको तथ्यांकले स्वास्थ्य संस्थामा सुत्केरी हुने महिलाको संख्या बढेको देखाएको हो ।
चालु आर्थिक वर्षको जेठ मसान्तसम्म सुर्खेतमा कुल २ हजार २ सय ७० जना महिला सुत्केरी भएका छन् । त्यसमध्ये ९७ जना महिला घरमा सुत्केरी भएका छन् । पहिलेको तुलनामा पछिल्लो समय स्वास्थ्य संस्थामा सुत्केरी हुने संख्यामा बृद्धि भएको जनस्वास्थ्य कार्यालयले जनाएको छ ।
यस्तै सुर्खेतको वीरेन्द्रनगमा भने घरमा सुत्केरी हुनेको संख्या शुन्य रहेको छ । तथ्यांक अनुसार चालु वर्षको जेठमसान्तसम्म वीरेन्द्रनगरमा एक हजार दुई सय ३३ जना महिला स्वास्थ्य संस्थामा सुत्केरी भएका छन् । चौकुने गाउँपालिकामा २ सय १२ जना महिला सुत्केरी भएका छन् । जसमध्ये ४१ जना घरमै सुत्केरी भएका छन् । तथ्याक अनुसार सिम्तामा १ सय ८७ सुत्केरी मध्ये ३ जना, चिंगाडमा ७९ मध्ये ३ जना, लेकवेशीमा ७६ जनामध्ये ६ जना र गुर्भाकोटमा २ सय ५८ मध्ये ५ जना महिला घरमा सुत्केरी भएका हुन् । भेरीगंगामा ३ सय ३१ जना मध्ये १३ जना, बराहतालमा १ सय २६ मध्ये १९ जना, पञ्चपुरीका २ सय ६८ मध्ये ७ जना घरमै सुत्केरी भएका छन् ।
जनस्वास्वास्थ्य सेवा कार्यालयका सहायक तथ्याक अधिकृत उपेन्द्र रेगामीले घरमै सुत्केरी हुनेको दर घट्दै गएको र स्वास्थ्य संस्थामा सुत्केरी हुने दर बढ्दै गएको बताए । नियमित जाँच र सुरक्षित सुत्केरी सेवा लिनेको संख्या बढेसँगै महिलाहरु पनि सुरक्षित हुने गरेको उनको भनाई छ ।
बिहिबार, आषाढ २८, २०८१मा प्रकाशित गरिएको
१.
२.
३.
४.
५.
६.
