ज्वाला अपडेट
सुर्खेत । नेपाल पत्रकार महासंघ सुर्खेतले अक्षयकोषको बिस्तृत अध्ययन गर्ने भएको छ । अध्यक्ष सुशीलराज शर्माको अध्यक्षतामा बसेको दोस्रो पुर्ण बैठकले विभिन्न ६ वटा प्रस्ताव माथि छलफल गर्दै यस्तो निर्णय गरेको हो ।
नेपाल पत्रकार महासंघ सुर्खेतमा विभिन्न दाताहरुको सहयोगमा स्थापना गरिएका अक्षय कोषहरुको अध्ययन गरी आगामी दिनमा व्यवस्थित रुपमा सञ्चालन गर्नका लागि नेपाल पत्रकार महासघ सुर्खेत शाखाका पूर्व अध्यक्ष, प्रेस स्वतन्त्रता सेनानी पीताम्बर ढकालको संयोजकत्वमा पारदर्शि र व्यवस्थित बनाउन उपाध्यक्ष सुशील खड्का, कोषाध्यक्ष दिपकजंग शाही, कार्यसमिति सदस्यहरु पंखबहादुर शाही र प्रभा रावत सदस्य रहेको पाँच सदस्यीय अधिकार सम्पन्न कार्यदल समेत गठन गरिएको छ ।
विभिन्न सहयोगी दाताहरुबाट करिव ८ वटा अक्षयकोष रहेको जानकारी दिंदैं अध्यक्ष शर्माले कोषबाट प्राप्त लाभांसबाट विभिन्न बिधामा पत्रकार पुरस्कृत गुर्नपर्ने भएकाले यसको सहि ब्यवस्थापन हुन जरुरी रहेको र अहिलेको नयाँ कार्य समितिले थिति बसाल्ने बताए ।
यो संगै महासंघको आगामी ३ वर्षे कार्ययोजना निर्माण गर्नका लागि सचिव गोविन्द खत्रीको संयोजकत्वमा सहसचिवद्वय नविन सुवेदी र जगतदल जनाला विक, सदस्यहरु मनिषा गुरुङ्ग र दिनेश बुढा रहेको मस्यौदा समिति गठन गरिएको छ ।
यस्तै, कार्यालय नियमित रूपमा सञ्चालन गर्नका लागि एकजना कार्यालय सहायक नियुक्त गर्ने, नवनिर्वाचित समितिलाई नेतृत्व विकास सम्बन्धी एक दिने प्रशिक्षण कार्यक्रम सञ्चालन गर्ने, पुस्तकालय (ईलाइब्रेरी समेत) स्थापना गर्ने र नेपाल पत्रकार महासंघ एक अग्रणी नागरिक समाज संस्था भएको हैसियतले नागरिकसँग प्रत्यक्ष जोडिएका सुर्खेत जिल्लाका सार्वजनिक सरोकारका विषयमा सार्वजनिक बहस पैरवी गर्ने निर्णय गरेको छ ।
निर्णयकाे प्रति यहाँ उपलब्ध छ ।
१.
२.
३.
४.
५.
६.
