ज्वाला अपडेट
दैलेख । महाबु गाउँपालिकामा अपाङ्गता भएका व्यक्तिहरूलाई चिसो मौसमबाट जोगाउन न्यानो कपडा वितरण गरिएको छ । महाबु गाउँपालिका वडा नं १ को आर्थिक सहयोग र अपाङ्गता सञ्जालको आयोजनामा औपचारिक कार्यक्रम मार्फत अपाङ्गता भएका व्यक्तिहरूको जीवनयापन सहज बनाउन र चिसोबाट बचाउन उक्त न्यानो कपडा हयोग गरिएको हो ।
अपाङ्गता सञ्जालका अध्यक्ष जगत सुनारको अध्यक्षता र वडा अध्यक्ष सर्वराज सार्कीको प्रमुख आतिथ्यतामा सम्पन्न भएको थियो । कार्यक्रममा आर्थिक रूपमा विपन्न र चिसो मौसममा बढी जोखिममा पर्ने व्यक्तिहरूलाई प्राथमिकता दिइएको थियो ।
अपाङ्गता भएका व्यक्तिहरूले यो सहयोगले आफ्नो दैनिक जीवनमा सहजता आउने विश्वास व्यक्त गरेका छन् । महाबु १ की डिलु सुनारले यस सहयोगका लागि खुसी व्यक्त गर्दै आभार प्रकट गरे । कार्यक्रममा वडा भित्रका १६ जना अति अशक्त र अति विपन्न अपाङ्गता भएका व्यक्तिहरू लाभान्वित भएका छन् ।
वडा अध्यक्ष सर्वराज सार्कीले चिसो मौसमले अपाङ्गता भएका व्यक्तिहरूका लागि थप चुनौती ल्याउने भएकाले यो कार्यक्रमको आयोजना गरिएको बताए । उनले आगामी दिनमा पनि यस्ता सहयोगात्मक कार्यक्रमलाई निरन्तरता दिने प्रतिवद्धता व्यक्त गरे ।
यो कार्यक्रम वडा कार्यालयको आर्थिक वर्ष २०८१÷८२ अन्तर्गत अपाङ्गता लक्षित बजेटबाट सञ्चालन गरिएको वडा सचिव हेमराज थापाले जानकारी दिए ।
बुधबार, पौष १७, २०८१मा प्रकाशित गरिएको
१.
२.
३.
४.
५.
६.
