ज्वाला अपडेट
सुर्खेत । युनिसेफ फिल्ड कार्यालय सुर्खेतले कार्यान्वयन गरिरहेको “सशक्त महिलाः समृद्ध नेपाल” कार्यक्रमको आयोजना तथा नारायण नगरपालिकाको समन्वय तथा सहजीकरणमा बालमैत्री स्थानीय शासन सम्बन्धी प्रशिक्षक प्रशिक्षण तालिम कार्यक्रम मंगलवार सुर्खेतको वीरेन्द्रनगरमा सम्पन्न भएको छ ।
नारायण नगरपालिकाका नगर प्रमुख लोमन शर्माको अध्यक्षतामा सञ्चालित कार्यक्रममा कर्णाली प्रदेश सरकार मुख्यमन्त्रि कार्यालयका सचिव अर्जुन गौतमको प्रमुख आतिथ्यता एवम् कर्णाली प्रशिक्षण प्रतिष्ठानका कार्यकारी निर्देशक, नारायण नगरपालकिाका प्रमुख प्रशासकीय अधिकृत, कर्णाली प्रदेश सामाजिक विकास मन्त्रालयका सामाजिक विकास महाशाखाका प्रनिनिधि, राष्ट्रिय बाल अधिकार परषिद्का पूर्व कार्यकारी निर्देशक र युनिसेफ फिल्ड कार्यालय सुर्खेतका नि।कार्यालय प्रमुखको आतिथ्यता रहेको थियो ।
कार्यक्रममा कर्णाली प्रदेशका १० जिल्लाका १७ वटा स्थानीय तहका महिला तथा बालबालिका शाखाका प्रमुख तथा प्रतिनिधि, विभिन्न नागरिक संगठन एवम् सञ्चारकर्मीहरु, प्रदेश सामाजिक विकास मन्त्रालय, राष्ट्रिय बाल अधिकार परिषद्का प्रदेश प्रतिनिधि एवम् युनिसेफ सुर्खेतका प्रतिनिधिहरु समेत गरी कूल ५१ जनाको सहभागिता रहेको थियो ।
कार्यक्रममा युनिसेफ सुर्खेतका सामाजिक नीति अधिकृत राजेश सारु मगरले सहभागीहरुलाई स्वागत गर्नुका साथै कार्यक्रमको उद्देश्यमाथि प्रकास पारे । कर्णाली प्रदेशका स्थानीय तहहरुमा बालमैत्री स्थानीय शासन अवलम्बन गर्नका लागि सहजीकरण गर्न काठमाण्डौ लगायतका शहरहरुबाट स्रोतव्यक्तिहरु आमन्त्रण गरी पालिकास्तरमा परिचालन गर्दा धेरै खर्चिलो एवम् समय व्यवस्थापनमा समेत अप्ठ्यारो पर्ने भएकोले स्थानीय तहस्तरमा नै यस किसिमको दक्ष मानविय स्रोत विकास गरी परिचालन गर्ने उद्देश्यले यो प्रशिक्षक प्रशिक्षण तालिम आयोजना गरिएको उने बताए ।
कार्यक्रमको उद्घाटन सत्रमा सम्बोधन गर्दै प्रदेश सामाजिक विकास मन्त्रालयका प्रतिनिधिले बालबालिकालाई आजका साझेदार र भविष्यको कर्णधारको रुपमा विकास गर्नका लागि बालमैत्री शासन कार्यान्वयन गर्नु अत्यावश्यक रहेको बताए ।
यसैगरी कर्णाली प्रदेश सरकार मुख्यमन्त्रि कार्यालयका सचिव अर्जुन गौतमले बालबालिकाको सर्वाङ्गिण विकासका लागि बालमैत्री स्थानीय शासन सबै स्थानीय तहमा कार्यान्वयन गर्नु आवश्यक रहेको बताएका छन् । कार्यक्रममा बाल्दै उनले हाल १७ वटा स्थानीय तहबाट शुरुवात भएको यो अभियान आगामी दिनमा ७९ वटै स्थानीय तहमा विस्तार गर्नुपर्ने र यसका लागि मुख्यमन्त्रि तथा मन्त्रिपरिषद्को कार्यालय सहयोग गर्न तत्पर रहेको बताए ।
नारायण नगरपालिकाका नगर प्रमुख अर्जुन गौतमले कर्णाली प्रदेशका १७ वटा स्थानीय तहमा बालमैत्री स्थानीय शासन लागू गर्ने उदेश्यले आयोजना गरिएको कार्यक्रमको समन्वय र सहजीकरण गर्ने जिम्मेवारी नारायण नगरपालिकाले पाएकोमा आयोजक संस्था युनिसेफलाइ धन्यवाद दिए ।
साथै चैत्र १५ गतेसम्म ३ दिन संचालन हुने तालिमबाट प्रशिक्षित भएपश्चात सहभागीहरुले सम्बन्धित स्थानीय तहमा यसको कार्यान्वयनका लागि प्रभावकारी सहजीकरण गर्नुहुनेमा विश्वास व्यक्त गरे ।
साथै बालबालकिा, बाल अधिकार एवम् बाल अधिकार सम्बन्धी कानूनी तथा नीतिगत व्यवस्था सम्बन्धी सत्रको सहजीकरण राष्ट्रिय बाल अधिकार परिषद्का पूर्व कार्यकारी निर्देशक श्री मिलन धरेलज्यूले गरेका थिए भने बालमैत्री स्थानीय शासन कार्यान्वयन र प्रवर्धनमा संघीय मामिला तथा सामान्य प्रशासन मन्त्रालयको कार्ययोजना लगायतका विषयमा संघीय मामिला तथा सामान्य प्रशासन मन्त्रालयका उपसचिव रेशमराज शर्माज्यूले सहजीकरण गरेका थिए ।
यसैगरी पहिलो दिनको सत्रमा बालमैत्री स्थानीय शासन के हो भन्ने विषयमा अवधारणागत स्पष्टता युनिसेफ सुर्खेतका राजेश सारु मगरले र बालबालिकामा लगानीको आवश्यकता किन भन्ने विषयमा युनिसेफ सुर्खेतका बाल संरक्षण अधिकृत कुंगा सण्डुप लामाले सहजीकरण गरेका थिए ।
बिहिबार, चैत्र १३, २०८१मा प्रकाशित गरिएको
१.
२.
३.
४.
५.
६.
