ज्वाला अपडेट
दैलेख । पश्चिम दैलेखको ठाटीकाँध गाउँपालिका १, सिराडी ग्वालिपिन्नमा गएराति तीन महिनाको शिशु बेपत्ता भएको छ । गएराति ९ बजेतिर स्थानीय बमबहादुर बुढाकी छोरी श्रीया बुढालाई अपहरण शैलीमा बेपत्ता पारिएको हो ।
उक्त शिशु तीन महिना अगाडि जन्मिएको र घरमा सबै सुतिसकेका अबस्थामा घर पछाडीको रुखमा राखेको खरमा आगो लाग्दा बच्चा हराएको स्थानिय बमबहादुरका दाजु दीपक बुढाले जानकारी दिए ।
माथिल्लो घरका मान्छेले देखेर खबर गरे उनी भन्छन्, त्यसपछि बच्चाको आमा, बुबादेखि सबै जना आगो निभाउन गए । लगत्तै घरमा आउँदा बच्चा नभएको उनले बताए । उनका बुझाइमा बच्चालाई लिनमा लागि कुनै समुहले खरमा आगो लगाएको र निभाउन गएको मौकामा बच्चा उठाएर भागेको शंका छ ।
बेपत्ता पारिएको बच्चासँग अर्का छोरा पनि साथमा सुतेको थियो । आउँदा ठुलो बच्चा सुतिरहेकै भएपनि सानो बच्चा नभएको उनले बताए ।
घटना लगत्तै स्थानीयले ठाटीकाँध प्रहरी चौकीमा खबर गरेका थिए । राति नै प्रहरी त्यहाँ पुगेर खोजतलासी गर्दा पत्ता नलागेको जिल्ला प्रहरी कार्यालय दैलेखका प्रहरी प्रमुख सुनिल दाहालले बताए ।
अचम्म लाग्दो घटना भएको बताउँदै प्रमुख दाहाले अहिले पुन प्रहरी परिचालन गरेको बताएका छन् । परिवारले बच्चा खोजी दिनका लागि सामाजिक सञ्जालदेखि प्रहरीमा आग्रह गरेका छन् ।
१.
२.
३.
४.
५.
६.
