ज्वाला अपडेट
काठमाण्डौ, असार १४ । नेपालमा आइतबारसम्म कोरोना भाइरस कोभिड १९ लाई जितेर तीन हजार १३ जना घर फर्किएका छन् ।
देशभरिका विभिन्न क्वरेण्टीनमा ६१ हजार सात सय ३१ जना रहेको तीन हजार १३ जना सङ्क्रमित उपचारपछि निको भएर घर फर्किएको स्वास्थ्य तथा जनसङ्ख्या मन्त्रालयले जनाएको छ । यस्तै, नौ हजार सात सय ३१ जनाको विभिन्न अस्पतालको आइसोलेशनमा उपचार भइरहेको छ ।
यता, देशभरमा आईतबार कोभिड १९ कोरोना भाईरसका चार सय ६३ जना नयाँ सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार आइतबार देशका विभिन्न २२ वटा प्रयोगशालामा भएको परीक्षणमा चार सय ६३ जनामा सङ्क्रमण देखिएको हो ।
आज थपिएकासँगै नेपालमा कोरोना सङ्क्रमितको सङ्ख्या १२ हजार सात सय ७२ पुगेको मन्त्रालयका प्रवक्ता डाक्टर जागेश्वर गौतमले बताए । आजसम्म ११ हजार दुई सय ९८ जना पुरुष र एक हजार चार सय ७४ जना महिलामा सङ्क्रमण देखिएको छ ।
पीसीआर विधिबाट पछिल्लो २४ घण्टामा चार हजार नौ सय ६२ गरी आजसम्म दुई लाख १५ हजार आठ सय ३९ जनाको कोरोना परीक्षण भएको छ । यस्तै आरडीटी विधिबाट पछिल्लो २४ घण्टामा दुई हजार सात सय ३२ गरी आजसम्म दुई लाख ९६ हजार सात सय ६६ जनाको परीक्षण भएको छ ।
नेपालमा कोरोना सङ्क्रमणको कारण अहिलेसम्म २८ जनाको ज्यान गएको छ ।
आइतबार, आषाढ १४, २०७७मा प्रकाशित गरिएको
१.
२.
३.
४.
५.
६.
