ज्वाला अपडेट
सुर्खेत, असार २८ । प्राकृतिक प्रकोपको पुर्व जानकारी प्राप्त गर्न सुर्खेतमा जडान गरिएको मौषमी राडारले एक महिना देखि काम गरेको छैन ।
सुर्खेतको रातानाङ्ला डाँडामा जडान गरिएको नेपालकै पहिलो राडार बिग्रिएको एक महिना बित्दा पनि अझै सञ्चालनमा आउन सकेको छैन ।
जेठको अन्तिम साता चट्याङले जेनेरेटर र युपीएस बिग्रिएपछि अझै राडार सञ्चालनमा आउन नसकेको जल तथा मौसम विज्ञान कार्यालय सुर्खेतका निमित्त प्रमुख विनोद पराजुलीले जानकारी दिए । ‘राडार सञ्चालनमा आएपछि कहिले चट्याङले हानेर, कहिले ट्रान्सफर्मर बिग्रिएर समस्या हुन्छ,’ उनले भने, ‘पछिल्लो समय जेठ अन्तिम साता चट्याङले जेनेरेटर र युपीएस बिग्रेपछि पूरै बन्द भयो ।’
नयाँखालको प्रविधि सञ्चालन गर्न दक्ष प्राविधिक कर्मचारी नहुँदा नियमित सञ्चालन गर्न नसकिएको निमित्त प्रमुख पराजुलीले बताए ।
काठमाण्डौंबाट दुईपटक प्राविधिक टिम ल्याएर बनाउँदा पनि पूर्णरुपमा सञ्चालन गर्न नसकिएको भन्दै उनले अबको दुई/ तीन दिनमै सञ्चालन गर्ने गरी काम भैरहेको जानकारी दिए ।
मनोरञ्जनका लागि यो भिडियो पुरा हेर्नुहोला र च्यानल गरिदिनुहोला………..
आइतबार, आषाढ २८, २०७७मा प्रकाशित गरिएको
१.
२.
३.
४.
५.
६.
