ज्वाला अपडेट
सुर्खेत – जिल्ला प्रशासन कार्यालय सुर्खेतले कोरोना कोभिड १९ लाई जितेर घर फर्किनेहरुमाथि विभिन्न हिंसा र दुव्र्यवहार गर्नेलाई कारबाही गर्ने चेतावनी दिएको छ ।
प्रशासनले वित्रप्ति जारी गरि क्वारेनटाईन आसपासका समुदायले कोरोना प्रभावितलाई दुव्र्यवहार गर्ने, कोरोना जितेर घर फर्किसकेका व्यक्तिलाई समेत घृणा गर्ने गरिएको भन्दै प्रशासनले कडा कारबाही गर्ने जानकारी दिदैं यस्तो अपमानजनक व्यवहार नगर्न सबैमा अपिल गरेको हो ।
प्रशासनले जारी गरेको विज्ञप्तिमा भनिएको छ संक्रमित र संक्रमण जितेका व्यक्तिमाथि घरपरिवारका सदस्य, छिमेकी तथा अन्य व्यत्तिहरुले होच्याउने, अपमानित व्यवहार गर्ने, घृणा गर्ने, दुव्यवहार गर्ने जस्ता अमानवीय कार्य गर्नु कानुन विपरित छन् ।
यस्ता दण्डनीय कार्य गर्ने विरुद्ध गाउँ नगरपालीका , प्रहरी वा प्रशासन कार्यालयलाई समयमै सुचना उपलब्ध गराई पीडितलाई न्याय प्रदान गर्नका लागि सबैसंग सहयोगको अपेक्षा गर्दछौं । प्रशासनले कानुन विपरीत यस्ता कार्य गर्ने जोकोहीलाई प्रचलित कानुन बमोजिम कारबाही गरिने चेतावनी दिएको हो ।
संक्रमितलाई मानसिक रुपमा बलियो बनाउन घृणा हैन माया गर्नुपर्ने भएकाले मानवीय व्यवहार गर्नुपर्ने बताईएको छ ।
शुक्रबार, साउन ०२, २०७७मा प्रकाशित गरिएको
२.
३.
४.
५.
६.
